• Əlillikdən heç kim sığortalanmayıb.

Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının 2018-ci ildə   elan etdiyi Qrant müsabiqələrində qaliblərdən biri də Müharibə Veteranı Qadınlarına Sosial Yardım İctimai Birliyidir. “Rusiya və Azərbaycan QHT-lərinin əməkdaşlığı nəticəsində əlilliyi olan insanların  problemlərinin birgə həlli yollarının araşdırılması” adlı layihənin icrası Rusiyada və Azərbaycanda icra ediləcəkdir.

Layihənin Azərbaycanda keçirilən növbəti “Əlillikdən heç kim sığortalanmayıb” adlı tədbiri 18  may 2018-ci il tarixində Azərbaycan Dövlət Pedeqoji Universitetinin Ağcabədi rayon filialında baş tutdu.  

Universitetin müəllim və tələbə kollektivi tədbirdə iştirak etdilər.

Rayonun ictimai həyatı və keçirilən tədbirlərindən danışan, Unversietet filialının direktoru Filologiya üzrə fəlsəfə doktoru, dossent  Mətanət xanım Fərzəliyeva sözü layihə rəhbəri Radə Abbasa verdi.

Layihə haqqında geniş məlumat verildi. QHT əməkdaşlığının əsas məqsədi əlilliyi olan insanların problemlərinin araşdırılması olduğu nəzərə çatdırıldı.  Tədbirdə Qızıl Aypara Cəmiyyətinin Ağcabədi rayon şöbəsninin rəhbəri Şirxan Aranlıda iştirak etdi və əlilliyi olan insanlarım ümumi problemlərindən danışaraq həmin insanlara kömək etmək üçün gənclərə müraciət etdi. Tələbələrin daha böyük marağına səbəb olan isə, dünyada  müharibələr nəticəsində sağlamlığını itirmiş şəxslərin sayca daha üstünlük təşkil etmələri oldu. 18 may 1992-ci il tarixində işğal edilmiş, artıq 26 ildir işğalda qalan Laçın rayonuda yada salındı və şəhidlərin xatirəsi anıldı.

  Qarabağda keçirilən bu tədbirin əsas məqsədi ümumi əlillərin və  Qarabağ müharibəsindən əllik qazanmış insanların problemlərinin həllində  ictimaiyyətin dövlətə dəstəyinin artırılmasıdır. Universitetin Gənclər təşkilatı  könüllülər qrupu yaradaraq Qızıl Aypara Cəmiyyətinin Ağcabədi rayonda fəaliyət göstərən şöbəsi ilə əməkdaşlıq etmk qərarına gəldilər. Layihənin tədbirləri davam edir.

Rəsmiyyə Allahverdiyeva.

Karabakh Today

 

19.05.2018 19:17
Bölmə Cəmiyyət